Il Svedais Magnus Norman n’è betg pli trenader da Stan Wawrinka. Quai ha communitgà Wawrinka via las raits socialas. Els hajan terminà lur collavuraziun en enclegientscha vicendaivla.
Norman ha trenà il Svizzer da 35 onns dapi il 2013. Durant quest temp ha Wawrinka gudagnà trais turniers da Grand Slam. Tgi che daventa ses nov trenader, n’è anc betg enconuschent.
L’emna proxima cumenza il French Open a Paris.