Siglir tar il cuntegn

Header

cuntegn

Naziunal/Internaziunal Tennis: Siemià a fin

La squadra da Fed-Cup svizra n'è betg sa qualifitgada per il final en la gruppa mundiala. En il dubel han Martina Hingis e Viktorija Golubic pers cunter las Tschecas Karolina Pliskova e Lucie Hradecka cun 2:6 e 2:6.

Las emoziuns èn idas si e giu durant questa dumengia da tennis. La squadra Svizra ha gì da batter fitg. L'emprim ha Timea Bacsinszky pers ses singul cunter Karolina Pliskova cun 4:6 e 2:6. Lura ha la Svizra Viktorija Golubic gulivà la partida cun gudagnar ses singul cunter Barbora Strycova. Il resultat: 3:6, 7:6 (8:6) e 6:1.

Dubel decisiv

La finala è la decisiun crudada en il dubel tranter las Svizras Martina Hingis e Viktorija Golubic e las Tschecas Karolina Pliskova e Lucie Hradecka. La partida è ida a fin cun 2:6 e 2:6 per las Tschecas.

La Tschechia ch'èn defensuras dal titel giogan uschia per la terza giada en roda il final dal Fed-cup. Ils 12 e 13 da november dat ella il final cunter la Frantscha.

RR novitads 17:00/18:00

Artitgels legids il pli savens