Siglir tar il cuntegn
Inhalt

Naziunal/Internaziunal Team Canada – terza victoria en seria tar la Cuppa Spengler

Il Team Canada gudogna meritadamain cun 3:0 cunter il Team Svizra la 91avla ediziun da la Cuppa Spengler a Tavau. En las ultimas minutas dal gieu han ils Svizzers dà anc ina giada tut e prendì il goli or dal gieu, senza success.

Giugaders fan festa sin il glatsch.
Legenda: Per la terza giada en seria gudogna il Team Canada la Cuppa Spengler. Keystone

Il Team Canada, dapi l’onn 1984 adina da la partida tar la Cuppa Spengler, gudogna puspè il turnier da renum mundial. En il final da siemi encunter l’equipa naziunala Svizra gudogna il Team Canada cun 3:0.

Suenter in emprim terz nua che las duas equipas han dà sin il medem livel ha il Team Canada lura fatg la differenza en il segund terz. Suenter quaranta minutas avevan ils Canadais fatg dus gols. Cun quel avantatg en il dies n'ha il Team Canada betg pli dà la schanza a la naziunala Svizra da turnar en la partida. En il davos terz han ils Canadais anc marcà il 3:0 – quai ch'era la decisiun.

Er sche la naziunala Svizra ha anc empruvà senza goli, perquai cun in giugader dapli sin il glatsch da far cosmetica da resultat n'è quai betg pli gartegià. Uschia sa festivar il Team Canada la terza victoria da la Cuppa Spengler en seria.

RR rapportaziun actuala 14:00+