Siglir tar il cuntegn
Inhalt

Naziunal/Internaziunal Team Canada gudogna la Cuppa Spengler

Il Team Canada è il victur da la Cuppa Spengler 2015. L'equipa canadaisa ha gudagnà il final cunter il HC Lugano cun 4:3.

Grond plaschair tar ils giugaders dal Team Canada suenter la victoria.
Legenda: Grond plaschair tar ils giugaders dal Team Canada suenter la victoria. Keystone

Il gieu ha cumenzà bain per ils Tessinais ch'èn ids en avantatg en la 9avla minuta. Lura ha dentant il Team Canada pudì egualisar ed ha sajettà ulteriurs gols al 3:1. Lugano ha dentant pudì egualisar en la 46avla minuta al 3:3. Be 3 minutas pli tard ha D'Agostini dentant sajettà il gol decisiv per Canada. Il Team Canada gudogna uschia per la 13avla la Cuppa Spengler.

Tuttas partidas da la 89avla Cuppa Spengler èn stadas vendidas ora. Passa 69'000 persunas èn stadas en la halla.