Pitra terrada per il HCD
Il club da hockey da Tavau ha pers a chasa cunter Lugano. Il gol da victoria ha Dario Bürgler sajettà en il davos terz. Cun quest gieu croda Tavau sin l’otgavel plaz en la tabella. Quai che ha agità è il fatg che Tavau ha gì schanzas dentant n’è betg vegnì da sajettar gnanc in gol.
Las ulteriuras partidas da la liga naziunala A:
Genevra Servette gudogna cunter Bienna
Genevra Servette batta Bienna cun 6:2. L’equipa da Chris McSorley po uss profitar da la terrada dal HCD e vegnan uss dad egualisar ils puncts cun Tavau ch’è dentant sin plazza otg e gist sur il stritg.
ZSC Lions gudogna cunter SCL Tigers
Il leader da la tabella vegn era da gudagnar ordaifer cunter ils SCL Tigers cun 4:3. Anc fin 95 secundas avant la fin era la partida egualisada. Alura ha il svedais Robert Nilsson marcà il gol decisiv per la victoria da l’equipa turitgaisa.
L’EV Zug vegn tar ina victoria cunter Losanna
L’EV Zug vegn il mument sin plazza dus da la tabella quai grazia ad ina victoria cunter Losanna da 5:1.
Hockey: 50. runda liga naziunala A
| Partida | Resultat |
| Ambri - Losanna | 3:2 |
| Tavau - SCL Tigers | 6:2 |
| Friburg - Berna | 4:7 |
| Genevra - Kloten | 2:4 |
| Lugano - ZSC Lions | 3:2 suenter prolungaziun |
| Zug - Bienna | 4:3 |
Hockey: Classament liga naziunala A (05-03-2018)
| Team | Gieus | Relaziun da gols | Puncts | |
| 1. | Berna | 50 | 167:112 | 102 |
| 2. | Zug | 50 | 153:122 | 91 |
| 3. | Bienna | 50 | 150:124 | 89 |
| 4. | Lugano | 50 | 159:130 | 86 |
| 5. | Friburg | 50 | 133:139 | 77 |
| 6. | Tavau | 50 | 134:156 | 75 |
| 7. | ZSC Lions | 50 | 144:133 | 75 |
| 8. | Genevra Servette | 50 | 132:153 | 71 |
| 9. | SCL Tigers | 50 | 120:134 | 67 |
| 10. | Losanna | 50 | 149:169 | 63 |
| 11. | Ambri-Piotta | 50 | 136:168 | 57 |
| 12. | Kloten | 50 | 120:157 | 47 |
RR novitads 23:00