Siglir tar il cuntegn
Inhalt

Naziunal/Internaziunal Tavau Nordic: Nilsson e Klæbo èn ils victurs dal sprint

Ils atlets e las atletas svizras n'han betg dumagnà il pass en il mezfinal.

En il final da sprint è la Svedaisa Stina Nilsson sa messa atras. Quai dentant fitg stretg cun otg tschientavels avant la Norvegiaisa Maiken Caspersen Falla. Tar ils umens ha il victur era num a Tavau Johannes Høsflot Klæbo. Il giuven Norvegiais para il mument nagut e nagin da savair franar. El ha gia gudagnà enfin uss tut las cursas da la stagiun. Segund è il campiun mundial Federico Pellegrino da l'Italia.

Als Svizzer n'è in exploit betg reussì

Laurien van der Graaff, Roman Schaad, Nadine Fähndrich e Jovian Hediger èn crudads ora en il quartfinal. Hediger era crudà en la storta finala uschia ch'èl ha gì nagina schanza.

Cun ses plaz tranter las meglras 20 ha van der Graaff dumagnà la segunda mesadad da la qualificaziun per ils gieus olimpics.

Damaun stattan duas cursas da distanza sin il program. Tar la cursa da 15 kilometers è er Dario Cologna da la partida.

RR novitads 15:00