Siglir tar il cuntegn
Inhalt

Naziunal/Internaziunal Tavau Nordic: Dario Cologna desista dal sprint

Pervia da las temperaturas fraidas ed ils problems cun la tuss tar talas cundiziuns ha il Jauer decis da laschar ora il sprint.

Purtret Dario Cologna
Legenda: Betg mo la tarschola d'Achilles mabain er il lom restrenscha in zic Dario Cologna. Keystone

L'elita mundiala da passlung sa mesira questa fin d'emna a Tavau. Sin il program da Tavau Nordic èn sonda dus sprints en il stil liber. Dumengia absolvan las dunnas diesch kilometers ed ils umens 15 kilometers, mintgamai en il stil liber e cun start singul. A la partenza è er il matador local Dario Cologna. Il traidubel campiun olimpic parta dentant mo da currer dumengia e desista dal sprint da sonda. Quei dentant betg pervia da sia blessura a la tarschola d'Achilles. Mabain pervia da las temperaturas fraidas che chaschunas adina puspè problems cun ils pulmuns ed uschia tuss tar Dario Cologna.

Tuttina datti anc Svizzers a la partenza la sonda. Uschia partan Laurien van der Graaff e Jovian Hediger.

RR novitads 17:30