Siglir tar il cuntegn

Naziunal/Internaziunal Tavau – Genoni fa la valisch

Leonardo Genoni serra la fin d’avrigl il chapitel HCD e va tar il SC Berna. L’ultima fin d’emna è ida a fin sia carriera en il gol dal HCD cun la sconfitta da la seria da mezfinal – e quai cunter sia squadra futura, il SCB.

Genoni va giu dal glatsch.
Legenda: Goali Leonardo Genoni prenda cumià - ses temp tar il HCD è terminà. Keystone

Il 2007 veva Leonardo Genoni midà tar Tavau, ed ussa, bunamain 10 onns pli tard banduna el il club grischun e va ella Bassa. El parta cun 3 titels da campiun svizzer sin sia carta da visita.

Temp per dir adia a Tavau

Ils davos dis ha Genoni serrà giu il chapitel HCD.

Era sch'el resta anc enfin la fin dad avrigl a Tavau, para igl dad esser stà uras da prender cumià dil club, rumir la gardaroba e pachetar las valischs, co quai ch’el ha raquintà al reporter da sport RTR, Andreas Wieland: