Siglir tar il cuntegn
Inhalt

Naziunal/Internaziunal Tadesse Abraham sto dar si

Per Tadesse Abraham è il maraton «Lake Biwa» ì a fin cun ina trumpada: Il Svizzer da 35 onns ha stuì dar si la cursa suenter bunamain la mesadad.

Tadesse Abraham
Legenda: Malgrà ch'el valeva sco in dals favurits, n'ha Tadesse Abraham betg pudì terminar la cursa. Keystone

Il currider da maraton Tadesse Abraham n'ha betg pudì terminar il maraton «Lake Biwa» en il Giapun. Suenter bunamain la mesadad ha il Svizzer da 35 stuì dar si: el haja gì fadia cun trair flad.

Abraham valeva sco in dals favurits da la cursa. Tar sia davosa cursa ad Otsu aveva el pudì sa rangar sin il podest.

Aur ed argient per la Kenia

Cun stuair dar si ha el surlaschà ils plaz da podest a la Kenia ed a la Nova Zelanda. Macharia Ndirangu ha suenter 2:07:53 cuntanschì sco emprim l'arrivada, suandà da ses cumpatriot Albert Korir e da Jake Robertson.

RR novitads 10:00