Siglir tar il cuntegn

Naziunal/Internaziunal Swiss Indoors 2016 cun blers stars

Gronds nums en seria per ils Swiss Indoors da tennis a Basilea. Ils emprims participants dal turnier da tennis Swiss Indoors da l'october a Basilea èn enconuschents.

Dus giugaders da tennis.
Legenda: Èn puspè da la partida a Basilea: Ils dus finalists da l'onn passà: Roger Federer e Rafael Nadal. Keystone

Ils emprims tschintg giugaders dal dumber da participants è enconuschent. Als Swiss Indoors a Basilea (ils 22 fin ils 30 d’october) en preschents:

  • Roger Federer (ATP 3) - Svizra
  • Stan Wawrinka (ATP 4) - Svizra
  • Rafael Nadal (ATP 5) - Spagna
  • Kei Nishikori (ATP 6) - Giapun
  • Milos Raonic (ATP 11) - Canada

Ultra da quests giugaders datti era gia infurmaziuns davart il plan dals gieus. Rafael Nadal avra ses pensum il glindesdi, gist suenter la festa d’avertura. Roger Federer ha ses emprim gieu il mardi. Anc betg cler èsi, cura che Stan Wawrinka debutescha en il turnier. Il Vadais era mintgamai crudà ora en l’emprima runda a sias ultimas quatter participaziuns.

Il turnier da tennis a Basilea è dotà 2’151’985 euros. Ils ultims onns han ils Swiss Indoors gì passa 70’000 aspectaturas ed aspectaturs. L'onn passà aveva Roger Federer gudagnà ses turnier da chasa per la 7avla giada - lura cunter ses concurrent Rafael Nadal.

RR novitads 14:00