Svizras èn las pli sveltas da trenament a Crans-Montana

La skiunza svizra Fabienne Suter è stada la pli svelta en il segund trenament per cursa rapida che è la sonda a Crans-Montana. Segunda – cun be otg tschientavels differenza – è daventada Lara Gut.

La skiunza Fabienne Suter durant il training per la cursa a Crans-Montana.

Legenda da maletgs: Sveltezza. La skiunza Fabienne Suter furia a val durant il training final. Keystone

Sin il terz plaz suonda l'Americana Laurenne Ross. L'emprima dal classament general Lindsey Vonn è daventada tschintgavla. Ins aveva stuì spustar quest trenament per ina mes'ura. Quai pervi da la naiv ch'igl aveva dà sur notg.

Suter en super furma

Il trenament final en il Valais ha gì lieu sin l’entir percurs. Uschia è il temp da la cursa s’augmentà per radund 25 sin 95 secundas. Cun ses meglier temp ha Suter sut consolidà sia buna furma da percurs. La skiunza da Sviz è gia stada trais giadas sin il segund stgalim dal podest questa stagiun, sco ultimamain a Garmisch-Partenkirchen davos Lindsey Vonn.

Ils proxims dis han lieu a Crans-Montana trais cursas da la cuppa mundiala:

  • sonda, ils 13-02-2016: cursa rapida (start 10:30)
  • dumengia, ils 14-02-2015: cumbinaziun
  • glindesdi, ils 15-02-2016: slalom

RR novitads 14:00