Svizra va cun spadas a Rio

La squadra da spadists svizra va als gieus olimpics 2016 a Rio. Il quartet Max Heinzer, Fabian Kauter, Benjamin Steffen e Peer Borsky han segirà il ticket per Rio tar la cuppa mundiala da Vancouver.

Ils spadists Michele Niggler (san.) e Max Heinzer (dre.) durant il cumbat.

Legenda da maletgs: Max Heinzer (dre.) durant il cumbat cunter Michele Niggler (san). al Grand Prix de Berne, ils 24 d'october 2015. Keystone

Per l’emprima giada dapi il 1988 a Seoul vegn la Svizra represchentada cun ina squadra da spadists als gieus olimpics. Quai era grazia als Giapunais. Quels han numnadamain gudagnà cunter ils Egipzians ch'eran ils rivals dals Svizzers per la qualificaziun dals gieus olimpics.

Nagina medaglia en dapi 40 onns

L’ultima medaglia per ina squadra svizra datescha dal 1976, pia avant 40 onns. Lura eran ils spadists svizzers ids per bronz a Montreal.

Grazia a la qualificaziun sco squadra han ils Svizzers er segirà prematuramain trais plazs da start en la concurrenza singula da spada.

RR novitads 06:00