Svizra sa qualifitgada a moda suverana per CE

L'equipa naziunala da ballape da las dunnas ha terminà la qualificaziun per il campiunadi europeic cun l'otgavla victoria en l'otgavel gieu. A Bienna ha l'equipa da la trenadra Martina Voss-Tecklenburg battì l'Irlanda dal nord cun 4:0.

ballpedistas svizras sa legran da lur victoria

Legenda da maletgs: Las giugadras svizras festiveschan lur victoria cunter l'Irlanda dal nord. Keystone

Las Svizras han uschia dumagnà la qualificaziun a moda suverana. 8 gieus, 8 victorias ed ina differenza da gols da 34:3. L'Italia è vegnida segunda en la gruppa cun in retard da 6 puncts.

Gia dapi l'entschatta zercladur è cler che la Svizra po sa participar per l'emprima giada ad in campiunadi europeic. Lez cumenzà il fanadur 2017 en l'Ollanda, a Rotterdam. Il final è lura ils 6 d'avust a Utrecht.

RR novitads 22:00