Siglir tar il cuntegn
cuntegn

Naziunal/Internaziunal Svizra gudogna cunter Team Canada

La squadra naziunala da hockey sin glatsch svizra ha battì en la prerunda il Canada cun 3:2 suenter prolungaziun.

Quai malgrà ch’il team dal trenader Patrick Fischer era gia suenter curt temp cun 0:2 en retard. Il gol decisiv ha fatg Fabrice Herzog en la prolungaziun. Il Team Canada ha uschia pers sia emprima partida dal turnier. Per la Svizra è quai stà la quarta victoria cunter il Canada ad in eveniment grond.

Quartfinal en mira

Grazia a questa victoria han ils Svizzers fatg in pass decisiv en direcziun dals quartfinals. En la tabella da la gruppa B è la Svizra ussa sin plazza 2 , davos il Canada. Proxim adversari dals Svizzers è dumengia la Finlanda ch'è actualmain sin plazza 4 en la gruppa B.

En la gruppa A è la Russia entant sa qualifitgada sco emprima squadra per ils quartfinals. Quai grazia a la victoria da 6 a 0 cunter la Slovachia.

RR Novitads 23:00