Siglir tar il cuntegn
Inhalt

Naziunal/Internaziunal Svizra gudogna aur ed argient al rec

Ils dus Svizzers Pablo Brägger ed Oliver Hegi gudognan aur ed argient al rec durant il campiunadi mundial a Cluj-Napoca. Quai è ina victoria istorica. L'emprima victoria dubla da l'istorgia da la Federaziun svizra da gimnastica.

Purtret dals trais victurs dal campiun europeic.
Legenda: Pablo Brägger (aur) ed Oliver Hegi (argient) dasper il terz, David Beljawski da la Russia. Keystone

La medaglia d'aur ha Pablo Brägger gudagnà. Il Svizzer da l'ost ha sco spetgà anc engrevgià ses exercizi cumpareglià cun la qualificaziun ed ha mussà ina prestaziun ch'è vegnida onurada cun 14,933 puncts.

Er uschè schuber ha Hegi mussà sia prestaziun. Er sia terza preschentaziun al rec è stada senza menda. Cun 14,500 puncts va el per sia emprima medaglia en la disciplina singula. Bronz ha gudagnà il Russ David Beljawski.

Brägger è il tschintgavel Svizzer che daventa campiun europeic en la gimnastica artistica, quai suenter Jack Günthard, Ernst Fivian, Daniel Giubellini e Donghua Li.

RR novitads 16:00