Siglir tar il cuntegn
Inhalt

Naziunal/Internaziunal Svizra en gruppa equilibrada

Dal campiunadi europeic da ballape 2016 en Frantscha frunta l'equipa naziunala svizra sin l'equipa ospitanta Frantscha, sin la Rumenia e sin l'Albania. Quai ha la sort decidì questa saira a Paris.

Il logo da l'Euro 2016 France.
Legenda: Ina da las grevas gruppas è la gruppa E cun la Belgia, l'Italia, la Svezia e l'Irlanda. Keystone

Il prim gieu ha la Svizra da dar ils 11 da fanadur a Lens cunter l'Albania. Il segund adversari è la Rumenia ed a la fin suonda il gieu cunter la Frantscha.

2 giadas Xhaka - ma in encunter l'auter

In aspect interessant da questa constellaziun è ch'ils dus frars Xhaka vegnan a giugar in cunter l'auter. Granit Xhaka (Boriussia Mönchengladbach) gioga cun la Svizra, entant che Taulant Xhaka (FC Basilea) è commember da la squadra naziunala albanaisa.

RR novitads 20:00