Siglir tar il cuntegn
Inhalt

Naziunal/Internaziunal Svizra è 6avla

Al campiunadi mundial da curling a Halifax en il Canada han ils umens svizzers era pers las ultimas duas partidas. Quai cunter il Giapun cun 6:9 ed avant cun 4:6 cunter la Norvegia. La Svizra terminescha uschia il campiunadi mundial sin plazza 7 ensemen cun il Giapun.

4 umens da curling, l'equipa naziunala svizra
Legenda: Fatschas dischiliusiunadas tar l'equipa svizra. Ella ha era pers las ultimas duas partidas dal campiunadi mundial. Reuters

Suenter il cumenzament rasant dal campiunadi per l'equipa dal CC Berna (Raphael Märki, Reto Keller, Enrico Pfister ed il skip Marc Pfister) cun 5 victorias ord 6 gieus avess la Svizra stuì gudagnar l'ultim gieu cunter il Giapun. Las ultimas 6 partidas da la prerunda (Round-Robin) han ils Bernais pers tuttas. Tuttina è la bilanza totala respectabla per l'equipa ch'è sa participada per l'emprima giada ad in campiunadi mundial.

Suenter la prerunda èn ils favurits Norvegia ed il Canada sin las plazzas 1 e 2. Era sa qualifitgada per il playoff è la Svezia. Lezza dat cunter il victur dal tiebreak tranter la Finlanda ed ils Stadis Unids da l'America.

RR novitads 06:00