Siglir tar il cuntegn
Inhalt

Naziunal/Internaziunal Svizra cun in pari cunter la Brasilia

En sia emprima partida al campiunadi mundial da ballape en Russia ha la Svizra fatg in pari dad 1:1 cunter la Brasilia.

Il ballapedist Steven Zuber.
Legenda: Steven Zuber suenter ses gol en la 50avla minuta. Reuters

Suenter l'emprima mesadad manava la Brasilia cunter la Svizra cun 1:0. Il gol per ils Brasilians, che avevan dominà la partida en l'emprim mez temp, ha fatg Philippe Coutinho en la 20avla minuta. Curt suenter pausa ha Steven Zuber pudì egualisar per la Svizra.

Partenza gartegiada

Practicamain dal nagut ha Steven Zuber lantschà da nov il gieu en la 50avla minuta. Suenter in corner da Xherdan Shaqiri è el ids en emblidanza avant il gol dals Brasilians uschia ch'el ha pudì marcar igl 1 : 1 cun il chau. In gol che ha dà nov curaschi ed energia als Svizzers suenter ch’els n'han betg gì bler da dir en l'emprima mesadad, memia ferma e dominanta la Brasilia cun il star Neymar ch’è per il pli be vegnids franà cun fouls. Pir encunter la fin dal gieu ha il favurit Brasilia lura anc ina giada auzà la cadenza e tschertgà per tut pretsch il gol da victoria. Be er grazia al goli Yann Sommer èn ils Svizzers vegnì da tegnair il pari e gudagnar in punct encunter il campiun mundial da record, in punct che po esser da gronda impurtanza sin via en ils 8avels finals.

La Serbia spetga

En il segund gieu da gruppa fruntan ils Svizzers, il venderdi che vegn, sin la Serbia. Ils Serbs han gudagnà lur emprim gieu cunter Costa Rica cun 1:0

RR novitads 21:00+