Siglir tar il cuntegn

Header

cuntegn

Naziunal/Internaziunal Svizra cun 4 stars da la NHL

A Kloten ha il trenader naziunala Glen Hanlon annunzià sia squadra da 25 giugaders per il campiunadi mundial da hockey sin glatsch a Prag. Sco davos ha Hanlon stritgà ord il cader il defensur Romain Loeffel (Servette) ed ils dus attatgaders Thomas Rüfenacht (SC Berna) e Gaëtan Haas (EHC Bienna).

Nov en l’equipa Svizra vegnan cun Roman Josi e Kevin Fiala dus giugaders ord la National Hockey League, omadus dals Nashville Predators. Betg da la partida èn perencunter Luca Sbisa e Yannick Weber. Sbisa patescha d’ina blessura e Weber n’ha anc nagin contract per la proxima stagiun.

audio
Bunura: L'equipa naziunala svizra per il campiunadi mundial
ord Actualitad dals 29.04.2015.
laschar ir. Durada: 2 minutas 35 Secundas.

Il capitani Mark Streit

Cunquai vegnan sco gia avant in onn a Minsk quatter giugaders da la NHL a rinforzar l’equipa naziunala Svizra. Gia dapi l’emna passada en il team svizzer èn il defensur e capitani Mark Streit (Philadelphia Flyers) ed il goli Reto Berra (Colorado Avalanche). Berra è sper Leonardo Genoni dal HCD e Daniel Manzato in dals trais golis a quest campiunadi mundial.

4 giugaders avant ina premiera

Tut en tut ha Glen Hanlon nominà 3 golis, 8 defensurs e 14 attatgaders. Cun Patrick Geering (ZSC Lions), Cody Almond (Servette), Tristan Scherwey (SC Berna) e Dino Wieser (HCD) dattan gist quatter giugaders per l’emprima giada in campiunadi mundial da hockey sin glatsch. Dal HCD giogan plinavant anc l’attatgader Andres Ambühl ed il defensur Félicien Du Bois.

L’emprim gieu dat la naziunala Svizra en l’arena O2 a Prag sonda, ils 2 da matg, encunter l’Austria.

RR novitads 20.00

Artitgels legids il pli savens