Siglir tar il cuntegn
Inhalt

Naziunal/Internaziunal Svizra batta la Tschechia

L'equipa naziunala svizra ha gudagnà l'ultim gieu da gruppa cunter la Tschechia cun 3:1. Uschia terminescha l'equipa da Patrick Fischer sin plazza 2 en la gruppa B. L'equipa resta cunquai a Paris nua ch'ella po dar la gievgia il quartfinal. L'adversari è la Svezia.

giugaders da hockey sa legran da la victoria
Legenda: Ils Svizzers fan il maximum da puncts cunter la Tschechia. Keystone

Ils Svizzers han fatg en ils set gieus da gruppa 15 puncts. Cunter mintga adversari han els pudì far puncts. Cunter la Tschechia è stà la tschintgavla victoria en las ultimas set partidas tar in turnier grond.

Vincent Praplan (2') e Reto Suri (29') han procurà per in avantatg da 2:0. Suenter che Roman Cervenka ha fatg en la 35avla minuta l'emprim gol per la Tschechia ha Damien Brunner fatg cler tut en la 53avla minuta cun ses gol al 3:1.

RR novitads 20:00