Siglir tar il cuntegn

Naziunal/Internaziunal Svizra al turnier da final da beachvolley a Toronto

Il final da la World Tour dal beachvolleyball a Toronto ha lieu cun in'equipa svizra. Isabelle Forrer ed Anouk Vergé-Dépré èn sa qualifitgadas grazia a lur plazza 17 al turnier da Long Beach.

ellas duas che siglian en l'aria
Legenda: Isabelle Forrer (dretg) ed Anouk Vergé-Dépré qua ad Ipanema Beach als gieus olimpics 2016 a Rio. Keystone

Uschia giogan Isabelle Forrer ed Anouk Vergé-Dépré en il turnier da final a Toronto mez settember. Al turnier ch'hau lieu la segunda giada, giogan ils 8 duos ch'han giugà il meglier beachvolleyball ils ultims 12 mais. Actualmain èn Forrer e Vergé-Dépré exact sin plaz 8.

Betg gartegiada è la qualificaziun al duo Nadine Zumkehr e Joana Heidrich, las tschintgavlas al turnier olimpic a Rio. Ellas avevan desistì da giugar a Long Beach. Ellas pon mo anc specular sin ina da las duas 'wildcards' a Toronto.

RR novitads 15:00