Siglir tar il cuntegn

Naziunal/Internaziunal Svindal gudogna era la cursa rapida a Val Gardena

Aksel Lund Svindal gudogna suenter il Super G dad ier, oz era la cursa rapida a Val Gardena. Il Norvegiais gudogna sin la «Saslong» avan il Franzos Guillermo Fayed e ses collega d’equipa Kjetil Jansrud.

Tgi vegn anc da franar el en la cursa rapida, il Norvegiais Aksel Lund Svindal?
Legenda: Tgi vegn anc da franar el en la cursa rapida, il Norvegiais Aksel Lund Svindal? Keystone

Per Svindal è quai stà l’emprima gidada ch’el ha gudagnà a Val Gardena – tut en tut dentant gia la 30avla victoria d’ina cursa da la cuppa mundiala. Ils skiunz svizzers perencunter tutgan tar quels ch’han pers. Il meglier classà è Marc Gisin sin plazza 18. Il Grischun Carlo Janka è vegnì 24avel cun in retard da 1,84 secundas sin il victur. Puncts hai era dà per in terz Svizzer: Niels Hintermann è vegnì 29avel.

Cumbat Svindal cunter Hirscher

En il classament general maina ussa puspè Aksel Svindal avant l’Austriac Marcel Hirscher. Quai che pudess dentant gia puspè sa midar damaun. Ad Alta Badia datti damaun ed il glindesdi in slalom gigant e quella disciplina para Marcel Hirscher puspè da dominar questa stagiun.