Siglir tar il cuntegn
cuntegn

Naziunal/Internaziunal Surpraisa: Rosberg sa retira per immediat

Be paucs dis suenter ch'el ha gudagnà ses emprim titel sco campiun mundial da furmla 1 ha il Tudestg surprendentamain annunzià sia demissiun.

Nico Rosberg.
Legenda: Sa retira Nico Rosberg. SRF

Nico Rosberg terminescha surprendentamain per immediat sia carriera en la furmla 1. Quai ha il campiun mundial communitgà via Facebook.

Pir la dumengia aveva Rosberg gudagnà sin Mercedes ses emprim titel. Quai en in final plain tensiun cunter ses collega da squadra, il Brit Lewis Hamilton.

Davart ils motivs per questa decisiun n’ha il Tudestg da 31 onns anc fatg naginas indicaziuns.

Dapi il 2006 è Rosberg stà en la furmla 1. Da 206 Gronds premis ha el gudagnà 23 ed è stà 57 giadas sin il podest.

Messadi da Nico Rosberg via Facebook

RR novitads 15:00