Siglir tar il cuntegn

Header

Video
Victoria per Marc Marquez
Or da sportlive dals 06.10.2019.
abspielen
cuntegn

Suenter victoria en Tailanda Marquez anticipadamain campiun mundial

  • Per la 6avla giada suenter 2013, 2014, 2016, 2017 e 2018 ha il campiun mundial en la classa roiala num Marc Marquez.
  • Il pilot da Honda gudogna a Tailanda avant Fabio Quartararo e quai gia quatter cursas avant la fin da la stagiun.

Il Spagnol Marc Marquez è anticipadamain campiun mundial en la Moto GP. Quai gia quatter cursas avant la fin da la stagiun. Per il Spagnol da 26 onns èsi gia il sisavel titel en la Moto GP, l’otgavel en sia carriera. El ha oz gudagnà il Grond Premi da la Tailanda piz a cup avant il giuven Franzos Fabio Quartararo.

Moto2: Tom Lüthi manchenta podest

En la Moto 2 è Tom Lüthi vegnì setavel. Dominique Aegerter e Jesko Raffin han manchentà ils puncts.
Gudagnà la cursa ha il Talian Luca Marini. Quai avant il Sidafrican Brad Binder ed il Spagnol Iker Lecuona. En il classament general maina vinavant il Spagnol Alex Marquez, il frar pitschen da Marc Marquez.

RR novitads 10:00