Siglir tar il cuntegn
Inhalt

Naziunal/Internaziunal Suenter la carriera uss temp per la famiglia

A la Cuppa Spengler è l'anteriur giugader da la NHL Mark Streit en acziun per la televisiun Svizra SRF. El è dentant er là sco fan da hockey e giauda il temp cun sia famiglia a Tavau. Cun vesair ils gieus e l'atmosfera lascha el encrescher per il hockey.

Mark Streit cun il Stanley Cup e sia famiglia
Legenda: Suenter che Mark Streit ha terminà sia carriera quest onn po el giudair il temp cun la famiglia. Keystone
  • Punct culminant da la carriera è stà la victoria dal Stanley Cup cun ils Pittsburg Penguins
  • Streit ha giugà 820 gieus en la NHL e fatg en tut 434 puncts da scorer
  • Il defensur svizzer ha giugà radund 500 gieus en la liga naziunala A

L'october da quest onn ha Mark Streit annunzià en la vegliadetgna da 39 onns la fin da sia carriera. Il fanadur aveva Streit anc suttascrit in contract dad in onn tar ils Montréal Canadiens. Quel è dentant vegni schlià suenter mo dus gieus. Sinaquai ha Mark Streit terminà sia carriera.

Grond svilup tar il HCD

Davent dal 1996 aveva Streit giugà tar il club da hockey da Tavau. Là è el avanzà ad in giugader da tschep ed ha era dumagnà il pass en l'equipa naziunala. Cun quella ha el giugà numerus campiunadis mundials ed era 4 turniers olimpics. Ils davos onns è Mark Streit stà capitani da l'equipa naziunala.

Giudair il temp cun la famiglia

Uss vul Mark Streit surtut passentar fitg bler temp cun la famiglia. Durant il temp en la NHL haja el gì pauc temp per sia dunna e sia poppa. Uss giaudia el da vesair ellas duas mintga di.

RR actualitad 07:10