Sco gia tar ses emprim e fin qua sulet duel cunter Kyrgios èn tut ils sets vegnids decis en il tie-break. En cuntrast cun il turnier da Madrid 2015 ha Roger Federer questa giada gudagnà la partida. En il set decisiv ha Federer vulvì la partida cura ch'el era anc cun 1:3 enavos. La finala ha Federer nizzegià sia terza balla da matsch.
En ils muments decisivs sun jau restà ruassaivel ed hai cartì vi da mai.
Grazia a l'indeschavla victoria en seria frunta Federer sco a l'Australian Open en il final sin ses rival Rafael Nadal. La partida cumenza dumengia saira las 19:00 temp europeic. Fin uss maina Rafael Nadal en la statistica cunter Roger Federer cun 23:13 victorias.
Dentant ha il Svizzer gudagnà las davosas duas partidas cunter il Spagnol. Avant bun duas emnas ha Roger Federer battì Rafael Nadal en l'otgavelfinal dad Indian Wells cleramain en dus sets cun 6:2, 6:3.
RR novitads 06:00