Siglir tar il cuntegn
Inhalt

Naziunal/Internaziunal «Suenter ils gieus olimpics è avant ils gieus olimpics»

Per ils snowboarders è quest fin d’emna l’emprima impurtanta concurrenza, la Dewtour a Breckenridge en ils Stadis Uni. Era il campiun olimpic svizzer Iouri Podladtchikov metta paisa sin quest eveniment. Il grond focus metta el dentant pli a lunga vista.

Iouri Podladtchikov,
Legenda: Il campiun olimpic svizzer en la mesapipa, Iouri Podladtchikov. Keystone

El patratga gia vi dals gieus olimpics 2018 en la Corea dal Sid. «Suenter ils gieus olimpics è avant ils gieus olimpics»: quai saja bain ina parola lungurusa, ma vaira. Tut las concurrenzas enfin lura sajan trenament.