Siglir tar il cuntegn
Inhalt

Naziunal/Internaziunal Suenter il mal fisic il mal psichic per Curdin Perl

Nagin campiunadi mundial, e fin da la stagiun per Curdin Perl. En il trenament ad Östersund per la davosa cursa da la cuppa mundiala avant il campiunadi mundial è l'Engiadinais cupitgà.

Purtret da Curdin Perl.
Legenda: La gronda finamira da Curdin Perl èn ils gieus olimpics 2018. RTR, A. Wieland

La diagnosa: rut l'oss-clavigl. Entant è Curdin Perl enavos a chasa en Engiadina. Cun quai che la stagiun saja uschia u autramain a fin, han ils medis decidì da betg operar la spatla.

Gronda frustraziun

La frustraziun è gronda. Perl sto era vegnir a frida cun ils patratgs "pertge adina jau". Gia la stad ha ina blessura vi d’ina spatla franà sias preparativas per la stagiun. Avant in onn, la fractura vi dal maun curt avant ils gieus olimpics a Sotschi. Ed uss quai, curt avant il campiunadi mundial.

Gronda finamira - gieus olimpics 2018

En in mument nua ch'el sa sentiva uschè bain sco daditg betg pli, sia furma buna. Cler ch’en da quests muments mudregian era patratgs "quant ditg anc". Dentant Curdin Perl ha ina gronda finamira, ils gieus olimpics 2018. E per quella vul el sa motivar. E motivaziun po era ses ravugl famigliar dar. L'avrigl vegn Curdin Perl bab.