Siglir tar il cuntegn
Inhalt

Naziunal/Internaziunal Success da premiera per Jil Teichmann

La giuvna giugadra da tennis da Bienna Jil Teichmann po festivar si’emprima victoria sin la tura da WTA. E quai cunter in’adversaria ch’è classada per 286 plazs meglier ch'ella.

La giugadra da tennis Jil Teichmann.
Legenda: In bel success per Jil Teichmann. SRF

Gronda legria tar Jil Teichmann (WTA 369): Suenter che la giuvna era sa qualifitgada per l’emprima giada en sia carriera per il champ principal d’in turnier da WTA, ha ella uss festivà a Strassburg si’emprima victoria. En l’emprima runda dal turnier sin sablun en l’Elsass ha la giuvna da 18 onns gudagnà cunter la Giapunaisa Karumi Nara (WTA 83) – quai en bun duas uras cun 2:6, 7:5 e 6:1.

En la segunda runda frunta Teichmann u sin la Franzosa Caroline Garcia (WTA 53) u sin la Beltga Kirsten Flipkens (WTA 59).

RR novitads 14:00 / RR Sportissimo 17:00