A Montpellier ha la giuvna atleta svizra mussà sin tuts quatter urdains exercizis excellents. Argient va a la Russa Maria Charenkova e bronz ad Elissa Downie da la Gronda Britannia.
Terz titel a campiunadis d'Europa
Per Giulia Steingruber è quai gia la terza medaglia d'aur ad in campiunadi d'Europa. Il 2013 e 2014 è ella vegnida campiunessa en il sigl. A Montpellier ha Steingruber anc trais ulteriuras schanzas da medaglia. La sportista da 21 onns ha numnadamain anc cuntanschì trais ulteriurs finals, tranter auter er en la concurrenza en il sigl, sia disciplina da parada.
RR novitads 16.00