Siglir tar il cuntegn

Header

Navigaziun

Giulia Steingruber
Legenda: Discletg per Giulia Steingruber. Keystone
cuntegn

Naziunal/Internaziunal Steingruber cupitga e fa mal la schanuglia

Fin dramatica per Giulia Steingruber al campiunadi mundial da gimnastica a Glasgow. En il final da siglir è la giuvna da 21 onns cupitgada tar ses segund segl ed è sa blessada al schanugl.

La dubla campiunessa d'Europa en quella disciplina è siglida in Jurtschenko cun ina struva dubla, n’è dentant betg vegnida da sa tschentar sin ils pes, uschia ch'ella ha struvegià il schanugl dretg.

Steingruber ha stuì sa pusar per bandunar il plaz. Tenor l’emprima diagnosa dals medis d'equipa sajan ils lioms dentant intacts. Ulteriuras retschertgas pli detagliadas suondan anc.

Aur va a la Russa Maria Paseka

Gudagnà la medaglia dad aur ha la campiunessa d'Europa Maria Paseka da la Russia avant la defensura dal titel Hong Un Jong da la Corea dal nord e l'Americana Simone Biles. Giulia Steingruber è vegnida rangada sco 7avla. Per la songaglaisa èsi la quarta giada ch'ella gudogna in diplom al campiunadi mundial a Glasgow suenter ch'ella è gia stada en duas disciplinas 5avla ed ina gia schizunt quarta. Plazs da diplom èn plazs en las emprimas 8.

RR sportissimo 17:00