Il meglier ha il duo spargnà per il final. Cun ina prestaziun quasi perfetga ha Giulia Steingruber e Pablo Brägger decis il duel en il final cunter il duo giapunais Hitomi Hatakeda e Wataru Tanigawa. Il duo giapunais era il meglier team suenter il mezfinal e quai cun in punct d'avantatg.
Suenter la cupitgada al rec hai jau pensà, ch'jau stuess era anc contribuir insatge. Giulia na po la fin finala betg far tut sulet.
Avant set milli aspectaturs han era Ilaria Käslin ed Oliver Hegi mussà ina buna prestaziun. Els han cuntanschì il fitg bun plaz 3.
RR novitads 16:00