Siglir tar il cuntegn

Naziunal/Internaziunal Stefan Küng va puspè sin il velo

Il ciclist svizzer Stefan Küng dat ses comeback. El fa part da l'equipa svizra per il campiunadi europeic d'elita a Plumelec en Frantscha.

purtret stefan küng cun surrir a conferenza da medias
Legenda: Il ciclist svizzer Stefan Küng sa revegn para avunda per far part al campiunadi europeic d'elita a Plumelec. Keystone

Il zercladur passà era Küng cupitgà grevamain als campiunadis svizers. Ussa vul el suenter ina pausa da 3 mais sa participar a la cursa cunter l'ura en Frantscha. Da raschun vegn el a far si'emprima cursa suenter la fractura da la batschida e dal clavigl anc durant il settember.

Pervi da sia blessura n'aveva Stefan Küng betg pudì far part als gieus olimpics a Rio, nua ch'el era previs sco manader da la squadra da quatter sin pista. Il Turgovian Küng vegn ussa puspè sin via tar il campiunadi europeic d'elita ch'ha lieu quest onn per l'emprima giada.

Il campiunadi europeic ha lieu dals 14 fin ils 18 da settember a Plumelec. Oriundamain era quest previs da far a Nizza. Suenter las attatgas da mez fanadur en la citad da Nizza aveva la citad però desistì dal campiunadi.

En la delegaziun svizra per il campiunadi europeic èn en tut 14 atlets.

RR novitads 18:00