Siglir tar il cuntegn

Naziunal/Internaziunal Stefan Küng sto interrumper ses training

Il profi da velo svizzer Stefan Küng ha la malsogna da Pfeiffer. Il ciclist dal team BMC sto far pausa per in temp betg definì. Era betg cler èsi, tge influenza che la malsogna da Küng ha sin sia stagiun dal 2016.

Il ciclist svizzer Stefan Küng.
Legenda: Pausa empè da training Stefan Küng (22) patescha da la malsogna da Pfeiffer. Keystone

Igl è nuncler, cura che Küng po returnar sin il velo. Il decurs da la malsogna da Pfeiffer n’è strusch da prevesair. Tuttina sa mussa Küng optimistic: gia l'emna passada haja quai dà segns d'in meglierament. El observia l'emprim il process da guariziun ensemen cun ses medis avant che definir cura ch'el turnia a trenar.

La malsogna aveva gia cumenzà vers mez december en in champ da trenament da BMC en Spagna. Però sa senta il sportist gia dapi intginas emnas stanchel. Tenor Küng n'èn ils gieus olimpics dentant betg periclitads.

RR novitads 15:00