Siglir tar il cuntegn

Header

cuntegn

Naziunal/Internaziunal Stefan Küng ha bun rir – uss maina il Svizzer il Tour de Suisse

En il classament general dal Tour de Suisse ha il Svizzer Stefan Küng surpiglià il tricot mellen. El maina uss cun in avantatg dad ina secunda avant l’Australian Michael Matthews.

Uschia esì reussì al sportist da 23 onns dal Team BMC da surprender suenter la segund'etappa il lead da ses collega da squadra Rohan Dennis. L'Australian, ch'aveva gudagnà il prolog la sonda avant Küng, era involvà en ina crudada da massa ed ha pers uschia il contact cun ils pli sperts.

audio
Tour de Suisse: Prevista a la dumengia
ord Sportissimo dals 11.06.2017.
laschar ir. Durada: 1 minuta 46 Secundas.

La segunda etappa: Cham – Cham sur 173 kilometers

Gudagnà la segunda etappa da la dumengia ha il Beltg Philippe Gilbert. Quai cun in spurt final sensaziunal avant il Novzelandais Patrick Bevin ed il Franzos Anthony Roux.

La partenza dal Tour de Suisse

etappa, Rohan Dennis, curta avant la finiziun dal prolog a Cham.
Legenda: Rohan Dennis curt avant la finiziun dal prolog a Cham. Keystone

Rohan Dennis è stà otg secundas pli spert ch'il Svizzer. Terz è daventà l'Austriac, Matthias Brändle. Segund meglier Svizzer è stà Martin Elmiger sin plazza 10, quai cun 14 secundas retard sin il victur Rohan Dennis.

Stefan Küng è sa preparà fitg bain per ils nov dis dal Tour de Suisse, cunzunt per il prolog da dumengia. Uschia è el trumpà ch'ì n'ha betg tanschì per la victoria. Cler ch'i saja donn, el saja propi sa sentì bain, el saja sta pront, ha ditg Küng envers l'agentura da novitads svizra.

Per la segunda etappa, in cirquit da 172,7 km enturn Cham, valan Peter Sagan, Greg van Avermaet u er il Svizzer Michael Albasini sco favurits.

RR novitads 18:00++

Artitgels legids il pli savens