Stan Wawrinka sto dar adia a Roland Garros

Il giugader da tennis svizzer Stan Wawrinka na po betg defender sis titel al French Open a Paris. Wawrinka ha pers il gieu da mezfinal encunter il Scot Andy Murray en quatter sets cun 4:6, 2:6, 6:4 e 2:6.

Stan Wawrinka.

Legenda da maletgs: Stan Wawrinka na vegn betg da defender ses titel da Paris. Keystone

La decisiun è crudada gist a l’entschatta dal quart set. Suenter che Stan Wawrinka è vegnì da realisar ses emprim break ed uschia gudagnar il terz set ha el dà oda maun il gieu gist tar ses emprim service en il quart set.

Andy Murray cuntanscha uschia per l’emprima giada en sia carriera il final dal French Open. Là cumbatta il Scot encunter il Serb Novak Djokovic ch’ha medemamain anc mai gudagnà quest Grand Slam sin sablun. Igl è il duel tranter il numer 1 ed il numer 2 dal mund. Avant in onn aveva Novak Djokovic pers il final encunter Stan Wawrinka.

RR novitads 18:00