Siglir tar il cuntegn
cuntegn

Naziunal/Internaziunal Stan Wawrinka perda l'emprima runda a Roland Garros

Suenter tschintg sets cunter il Spagnol Guillermo Garcia-Lopez è Wawrinka crudà ora al French Open a Paris.

Stan Wawrinka frustrà.
Legenda: Ses schanugl ha fatg fadia al giugader da Losanna. Keystone

Cun 2:6, 6:3, 6:4, 6:7 e 3:6 ha il Svizzer Stan Wawrinka pers cunter Guillermo Garcia-Lopez en l'emprima runda dal French Open. Durant l'emprim set ha Wawrinka stuì laschar tractar ses schanugl sanester. Er en il tschintgavel set ha el puspè gì fadia.

Crudada enavos en il classament

Cunquai che Stan Wawrinka è stà en il final l'onn passà a Roland Garros perda el massa puncts. Uschia vegn il giugader da Losanna a crudar enavos en il classament davos plazza 250.

RR novitads 15:00