Siglir tar il cuntegn

Header

Navigaziun

Giugader da tennis svizzer.
Legenda: Stan Wawrinka batta Dominic Thiem en trais sets. Keystone
cuntegn

Naziunal/Internaziunal Stan Wawrinka en il mezfinal d'Indian Wells

Il Svizzer gudogna cunter l'Austriac Dominic Thiem suenter duas uras e mesa en trais sets cun 6:4, 4:6, 7:6.

Il Romand cuntanscha grazia a questa victoria per l'emprima giada il mezfinal en la California. Ils onns 2008 e 2011 aveva Stan Wawrinka mintgamai cuntanschì il quartfinal – e lura pers cunter il Serb Novak Djokovic respectivamain ses cumpatriot Roger Federer.

L'adversari da Stan Wawrinka en il mezfinal è il Spagnol Pablo Carreno Busta (ATP 23). Quel ha gudagnà cunter l'Uruguaian Pablo Cuevas en trais sets cun 6:1, 3:6, 7:6. Carreno Busta ha stuì parar duas ballas da matsch.

Il quartfinal tranter Roger Federer e l'Australian Nick Kyrgios è planisà venderdi las 12:00 temp local, pia las 20:00 temp svizzer.

RR novitads 07:00