Siglir tar il cuntegn
Inhalt

Naziunal/Internaziunal Stan Wawrinka e Roger Federer en il quartfinal a Monte Carlo

En il turnier dals Masters 1000 n'ha il Svizzer laschà nagina schanza a Gilles Simon (ATP 18) da la Frantscha.

Stan Wawrinka en acziun al turnier da Monte Carlo
Legenda: Stan Wawrinka frunta en il quartfinal a Monte Carlo sin Rafael Nadal. Keystone

Stan Wawrinka ha battì il Franzos en dus sets cun 6:1 e 6:2. En il quartfinal frunta Wawrinka uschia sin il Spagnol Rafael Nadal che ha battì l'Austriac Dominic Thiem cun 7:5 e 6:3. Rafael Nadal gudagnà il trunier da Monte Carlo l'onn 2014.

Medemamain en il quartfinal da Monte Carlo è Roger Federer, quai suenter ina victoira da 6:2 e 6:4 cunter il Spagnol Roberto Bautista Agut. Federer frunta en la proxima runda sin il victur da la partida tranter ils dus Franzos Joe Wilfried Tsonga e Lucas Pouille.

RR novitads 17:00