Siglir tar il cuntegn
Inhalt

Naziunal/Internaziunal Stagiun a fin per Anna Veith

La skiunza austriaca sto terminar la stagiun anticipadamain pervi d'in'ulteriura operaziun dal schanugl.

Skiunza austriaca.
Legenda: Anna Veith sto puspè vegnir operada vi dal schanugl Keystone

Anna Veith patescha dapi onns da problems cun il liom da la patella en il schanugl sanester. Il mal haja adina puspè limità ella. En consequenza hajan ils medis cusseglià ad ella da terminar la stagiun actuala e da sa laschar operar in’ulteriura giada. Quai ha la skiunza da 27 onns communitgà via Facebook. L’operaziun è l’auter mardi.

Jau vi puspè pudair ir cun skis, uschia sco jau m'imaginesch.
Autur: Anna VeithSkiunza

Veith aveva pir il december 2016 dà ses comeback suenter ina pausa da 14 mais. Als Campiunadis mundials da skis a San Murezzan ha ella fatg part al super-G (out) ed al slalom gigant (22avla). Da la cursa rapida ha ella desistì voluntarmain.

RR novitads 10:00