Siglir tar il cuntegn

Header

audio
Stritgar las cursas da Lauberhorn - per propi in scenari realistic?
Or da Actualitad dals 20.05.2020.
laschar ir. Durada: 03:19 minutas.
cuntegn

Stagiun 2021/22 Swiss Ski vul stritgar las cursas da Lauberhorn

Swiss Ski ha decis da laschar stritgar las cursas dal Lauberhorn a partir dal 2022.

Cunquai ha la dispita tranter il comité d'organisaziun da las cursas a Wengen e Swiss Ski cuntanschì il proxim stgalim d'escalaziun. La federaziun da skis naziunala ha decis oz a la sesida da stritgar il classicher en il Oberland Bernais a partir da la stagiun 2021/22. En il mument è la data per la cursa en la stagiun 2022 remplazzada cun il tegnaplazza SUI. Swiss Ski vul che la cursa vegn remplazzada entras in'autra cursa en Svizra. Per l'enviern che vegn è il chalender da cursas però gia definitiv ed approvà da la FIS e na po betg pli vegnir midà.

En la dispita che dura entant gia dapi il 2016 vai surtut per las entradas dals dretgs da televisiun e l'indemnisaziun da Swiss Ski envers ils organisaturs. Ils organisaturs pretendan dapli daners da Swiss Ski – ord quest motiv han els gia fatg il pass avant il Tribunal da sport CAS. Lez ha gia decis avant dus mais en chaussa. Las duas partidas da dispita n'han dapi lura dentant betg chattà ina soluziun e n'han era betg communitgà la decisiun.

Ord l'Archiv dad SRF:

video
Wengen e la dispita cun Swiss-Ski
Or da sportpanorama dals 12.01.2020.
laschar ir

RTR novitads 15:00