Siglir tar il cuntegn
Inhalt

Naziunal/Internaziunal Staffettas da biatlon sa qualifitgeschan per Olimpia

Las staffettas da biatlon svizras dals umens e da las dunnas èn sa qualifitgadas a Hochfilzen per ils gieus olimpics a Pyeongchang.

Benjamin Weger durant la staffetta a Hochfilzen.
Legenda: Benjamin Weger durant la staffetta a Hochfilzen. Keystone

Il quartet svizzer cun Benjamin Weger, Serafin Wiestner (Trin), Jeremy Finello e Mario Dolder ha dumagnà la qualificaziun per ils gieus olimpics. A Hochfilzen vegn la staffetta svizra 7avla. Tar grevas situaziuns da vent ha il meglier biatlet svizzer Benjamin Weger tutgà tut ils 10 sajets ed ha surdà sco terz a Finello. Cun ses debachel cun sajettar ha el impedì che la Svizra è vegnida anc pli enavant. Fatg è però che la Svizra ha il favrer ina staffetta da biatlon che parta als gieus olimpics a Pyeongchang. Gudagnà la cursa a Hochfilzen ha il quartet norvegiais avant la Germania e la Frantscha.

Era las dunnas han dumagnà la qualificaziun

Suenter la staffetta dals umens èn era las dunnas svizras sa qualifitgadas per ils gieus olimpics en la Corea dal Sid. Medemamain a Hochfilzen è la staffetta svizra cun Elisa e Selina Gasparin sco er Lena Häcki ed Irene Cadurisch vegnidas 5avlas. Usche davant èn ellas anc mai stadas classadas tar ina cursa da la cuppa mundiala. Gudagnà la cursa ha la Germania avant l'Ucraina.

RR novitads 14:00++