Contini n'era anc betg dal tut in onn tar il club da ballape Son Gagl. Il matg 2017 aveva el surpiglia il FC Son Gagl da Joe Zinnbauer. L'atun passà aveva la direcziun dal club anc prolungà ses contract fin la stad 2019.
Il 0:1 da la sonda passada a chasa encunter Thun è stà la quarta terrada dals ultims tschintg gieus da quest campiunadi. Malgrà quai ha il club tschintg rundas avant la fin anc bunas schanzas sin in plaz en la Europa league.
Kuzmanovic surpiglia ad interim
Fin la fin da questa stagiun da super league maina Boro Kuzmanovic il club da Son Gagl ad interim. L'um da 55 onns era fin uss engaschà tar ils juniors dals Grasshoppers. Tranter il 2009 e 2014 è el stà chautrenader dal FC Winterthur en la Challange League. Davent da la stad è el il trenader assistent dal chautrenader. Tgi che lez vegn ad esser, n'è anc betg cler.
RR novitads 14:00