Siglir tar il cuntegn
Inhalt

Naziunal/Internaziunal Snowboard: Kummer e Zogg sin il podest

Las duas snowboardistas svizras - Patrizia Kummer e Julia Zogg - arrivan sin il podest tar il slalom gigant parallel da la cuppa mundiala en la Corea dal Sid.

La Vallesana Patrizia Kummer daventa segunda. Pir en il final era la Russa Alena Sawarsina stada pli sperta. Sin plazza trais arriva Julie Zogg. Il cumbat per plaz trais ha ella gudagnà cunter Ramona Theresia Hofmeister da la Germaina.

Dentant era Ladina Jenny ha fatg in bun resultat. Ella ha cuntanschì tar il slalom gigant parallel la plazza 8.

Buna prestaziun era dals umens

Tar ils umens manchentan ils Grischuns Dario Caviezel e Nevin Galmarini mo per pauc il podest: Els vegnan sin las plazzas 4 e 5. Il giuven Grischun Dario Caviezel ha pers en il final per plaz 3 encunter il Talian Aaron March ed è vegnì quart.

RR actualitad 10:00