Il snowbordist grischun Kaspar Flütsch sa retira dal sport da prestaziun. Suenter 14 stagiuns en la cuppa mundiala ha il sportist da 33 onns annunzià ch'el termineschia sia carriera.
En 105 cursas da la cuppa mundiala ha Flütsch dumagnà duas giadas sin il podest, mintgamai sco segund. Il 2010 a Telluride en ils Stadis Unids ed il 2018 a Bad Gastein en l'Austria.
Tschintg giadas è el sa participà a campiunadis mundials e duas giadas a gieus olimpics d'enviern (2014 a Rosa Chutor ed il 2018 a Pyeongchang).
Suenter duas grevas blessuras vid il schanugl avant dus onns n'haja betg pli bastì dar far il sigl enavant, scriva Flütsch en ses messadi da cumià.