A Semyel Bissig è gartegià cun il tschintgavel plaz la surpraisa. L'atlet da 22 onns è partì pir per la quarta giada en la cuppa mundiala. En il quartfinal ha el pers la cursa cunter il victur dal slalom parallel Alexis Pinturault per 14 tschientavels.
Gino Caviezel ha dumagnà en l'otgavelfinal il Franzos Thibaut Favrot. Suenter ha el però pers stgars cunter l'Austriac Adrian Pertl. En il duell final cunter Semyel Bissig ha il grischun lura pers la cursa per quatter tschientavels.
Els era sa qualifitgads sco sulets dus da set atlets svizzers
Gino Caviezel era sa qualifitgà sco 12avel, quai cun in retard da pli pauc ch'ina mesa secunda sin ils megliers. Semyel Bissig dal chantun Sutsilvania è sa qualifitgà sco 16avel. El è lura er stà la gronda surpraisa ord vista Svizra perquai ch'el è partì pir trais giadas en la cuppa mundiala.
Tar la cursa da las dunnas la gievgia saira era be Lara Gut-Behrami sa qualifitgada or dal team Svizzer. La finala è ella vegnida terza. Gudagnà ha la Slovaca Petra Vlhova.
