Siglir tar il cuntegn

Naziunal/Internaziunal Skicross: Lenherr e Smith persvadan er la dumengia

Il skicrossers ch'han gia briglià la sonda, han er briglià la dumengia tar la cuppa mundiala a Sunny Valley. Jonas Lenherr e Fanny Smith han er la dumengia sa rangà sin il podest.

Jonas Lenherr.
Legenda: Suenter la victoria dad ier, vegn Lenherr oz segund. Keystone

Jonas Lenherr e Kevin Drury han oz midà il plaz sin il podest. La sonda era il Svizzer stà sisum ed il Canadais sin il segund plaz, la dumengia èsi il cuntrari. Il Grischun Armin Niederer è vegnì quart.

Per il leader en il classament general Marc Bischofberg ha dentant er a Sunny Valley betg gì success: Per el èsi gia a fin suenter ils otgavel finals. Er il pli grond adersari da l'um da l'Appenzell, il Franzos Jean-Frédéric Chappuis, è crudà or tar la cursa da la dumengia.

Smith: ier emprima, oz terza

Tar las dunnas è la victura dad ier, Fanny Smith vegnida oz terza. Gudagnà ha la Svedaisa Sandra Näslund avant la Canadaisa Brittany Phelan.

RR novitads 12:00