Era il nov trenader Uli Forte n'ha gì nagin effect tar Turitg. Per il finalist da la cuppa svizra è quai gia la tschintgavla terrada en roda. Suenter quasi in'ura ha il FCZ giu da giugar cun in um pli pauc. Sanchez ha gì duas chartas melnas ed ha stuì bandunar il plaz.
Vaduz quasi salvà
Per Vaduz vesi ora bler meglier. Grazia a la victoria ordaifer cun 2:1 cunter GC è il club dal Liechtenstein quasi salvà. El ha ussa gia 5 puncts avantatg sin Turitg. En ils ultims dus gieus ha Vaduz da dar cunter Lugano ed il FCZ.
Lucerna sin plazza per Europa League
Suenter trais cleras terradas ha l'FC Lucerna mussà ina ferma reacziun cunter il campiun svizzer. Cun Marco Schneuwly, Jantscher, Hyka e Haas han quatter differents giugaders fatg ils gols. Lucerna è uschia sin plazza 3 che munta da pudair dar la qualificaziun per l'Europa League.
Ils gieus da las ultimas duas rundas:
- 35avla runda: GC - Thun, Sion - Turitg, Son Gagl - Lucerna, Vaduz - Lugano e YB - Basilea.
- 36avla runda: Basilea - GC, Lugano - Son Gagl, Lucerna - Sion, Thun - YB e Turitg - Vaduz.
Super League
rang | club | gieus | differenza da gols | puncts |
1. | YB | 14 | 46:16 | 37 |
2. | Basilea | 14 | 28:28 | 23 |
3. | Thun | 14 | 30:22 | 22 |
4. | Turitg | 14 | 21:20 | 20 |
5. | Son Gagl | 14 | 22:26 | 20 |
6. | Lucerna | 14 | 23:27 | 18 |
7. | Lugano | 14 | 22:27 | 16 |
8. | Sion | 14 | 21:25 | 14 |
9. | GC | 14 | 17:27 | 14 |
10. | Xamax | 14 | 18:30 | 11 |
RR novitads 18:00