Siglir tar il cuntegn
Inhalt

Naziunal/Internaziunal Simona Waltert en il mezfinal da Wimbledon

La giuvna grischuna ha cuntanschì la runda dals davos quatter tar las junioras.

Giugadra da tennis grischuna.
Legenda: Simona Waltert è en il quartfinal dal turnier dals juniors a Wimbledon. SRF

La juniora da 16 onns ha battì en il quartfinal l'Americana Sofia Sewing en trais sets cun 6:2, 3:6 e 6:3. La partida ha durà var duas uras. En il mezfinal frunta Simona Waltert sin in'ulteriura Americana, numnadamain sin Ann Li.

Sin ils fastizs da Bencic e Masarova

Il davos triumf svizzer a Wimbledon tar las junioras ha pudì festivar Belinda Bencic il 2013. La davosa giada triumfà ad in turnier da Grand Slam sin quest stgalim ha Rebeka Masarova. Avant in onn ha ella gudagnà il French Open tar las junioras.

RR novitads 15:00