Siglir tar il cuntegn
Inhalt

Naziunal/Internaziunal Simon Ammann na cuntanscha betg finamira da top 10

Tar l'emprima cumpetiziun da sigl cun skis ad Engelberg ha Simon Ammann manchentà in plaz en ils top 10.

Ammann porta ses skis.
Legenda: Dapi bunamain dus onns n'è Ammann betg tranter ils top 10. Keystone

En il segund percurs è Simon Ammann be siglì 120 meters ed è uschia crudà dal 5avel plaz sin il 14avel plaz. En l'emprim percurs aveva el persvas cun 129 meters.

Gudagnà la cumpetiziun ha il Norvegiais Anders Fannemel avant il Tudestg Richard Freitag. Terz è il Polac Kamil Stoch ch'è daventa duas giadas campiun olimpic.

  • 1. Anders Fannemel (NOR) 253,6 (133 m/127,5 m)
  • 2. Richard Freitag (GER) 253,5 (124,5/129,5)
  • 3. Kamil Stoch (POL) 250,8 (125,5/129)

Ils Svizzers

Killian Peier dal chantun Vad ha cuntanschì il 28avel plaz e cunquai rimnà ses emprims puncts da la cuppa mundiala da questa stagiun.

  • 14. Simon Ammann (SUI) 233,7 (129/120)
  • 28. Killian Peier (SUI) 205,8 (117,5/117,5)

RR novitads 18:00